Облыстық балалар мен жасөспірім туризмі және экология орталығының ұйымдастыруымен дәстүрлі «Жайық-Орал-2017» экологиялық экспедиция жасақтарының слеті өтті.
Слетке облыс орталығы мен аудандардан барлығы 11 команда қатысып, білім-біліктіліктерін ортаға салды. Соның ішінде Қаратөбе балалар мен жасөспірімдер саяхаты және экология орталығының «Жас экологтар» командасы қатысып, жүлделі орындардан көрінді.
Қаратөбе балалар мен жасөспірімдер саяхаты және экология орталығының ұйымдастырушы-педагогы Гүлнұр Ғабдушеваның айтуынша, «Жайық-Орал-2017» туристік-экологиялық экспедиция отрядтарының облыстық слетінің «Экологиялық акциялардың» қорытынды іздестіру-зерттеу конференциясы бойынша ІІ орынды Айкөркем Беркінова, Алтынзер Төлеғұл, «Үздік туризм орталықтарының абаттандыру» байқауы бойынша ІІ орынды экология бағыты бойынша ұйымдастырушы – педагогы Гүлнұр Ғабдушева иеленді.
Тоты ЕСҚАЙЫРОВА,
Қаратөбе ауданы
