Жуырда Орал қаласында қазақ күресінен жасөспірімдер арасында «Жас барыс» облыстық іріктеу турнирі өткен болатын.
Байрақты бәсекеде Қаратөбе ауданының намысын қорғай барған жас спортшылар олжалы оралды.
Турнир нәтижесінде 2000-2001 жылы туған жасөспірімдер арасында 46 келі салмақ дәрежесінде Райымбек Өтепов І орын алса, 2002-2003 жылы туған кіші жасөспірімдер арасында 46 келі салмақта Мұқағали Өтепов І орынды иеленді. 2002-2003 жылы туған кіші жасөспірімдер арасында 42 келі салмақ дәрежесінде Дәулет Болатов І орынды жеңіп алып, үздіктер қатарынан көрінді.
Айта кету керек, турнир жеңімпаздары 2-5 қараша күндері Шымкент қаласында өтетін «Жас барыс» республикалық турниріне жолдама алды.
Жарыс жеңімпаздары атанған ағайынды Өтеповтер – аудандық балалар мен жасөспірімдер спорт мектебінің жаттықтырушысы Роман Сыдықовтың шәкірттері. Бұған дейін жаттықтырушы Жақсат Қажымовтың шәкірті болған Дәулет Болатовты қазіргі таңда Әділ Төреғали жаттықтырады.
Райымбек АБАЕВ,
Қаратөбе ауданы