Орал қаласында спорт ардагері Тілекқабыл Қамзиевті еске алуға арналған самбо күресінен спорт шеберлері арасында өткен ашық республикалық турнирден жерлестеріміз олжалы оралды.
Байрақты бәсекеге еліміздің түкпір-түкпірінен қатысқан палуандар боз кілемде бақтарын сынады.
Нәтижесінде 50-55 жас ерекшелігі бойынша 82 келі салмақта Қайрат Ниязов ІІ орынды иеленді. Ал 35-39 жастағылар арасында 82 келі салмақта Дулат Қоламанов, 74 келіде Медетхан Қуанғалиев ІІІ орынға табан тіреді. Жас қорытындысы бойынша 68 келі салмақ дәрежесінде Екпін Тіналиев І орынға ие болды.
Тоты ЕСҚАЙЫРОВА,
Қаратөбе ауданы