«Қуантсаң, баланы қуант» деген. Қазталовтың балғындардың қуанышы еселене түсті. Аудандық мәдени-демалыс орталығы жанынан қуыршақ театры ашылды.
Аудан орталығында алғаш ашылған қуыршақ театрының сахнасы Қошанкөл мәдениет үйінде «Үш торай» халық ертегісімен түрілді. Округ орталығының және «Алау» жазғы демалыс лагерінде демалып жатқан тынығушы жасөспірімдер театр өнерпаздарының қойылымдарын тамашалады.
Айта кетейік, ертегінің қоюшы режиссері Балғаным Губашева. Рөлдерді Мерлан Нұролла, Таусих Тақаев, Оралхан Ерғалиев, Қайрат Абдулов сомдады.
Гүлнұр ҚАЗБЕК,
Қазталов ауданы
