Ақжайық ауданының орталығы Чапаев аумағында Жайық өзені арқылы өтетін автомобиль көпір өткелін салу жөніндегі жобалық-сметалық құжаттаманың жұмыс жобасы бойынша қоғамдық тыңдау өтті.
Шараны аудан әкімінің орынбасары Тимур Шниязов жүргізді. БҚО жолаушылар көлігі және автожол басқармасы басшысының орынбасары Медет Махамбетұлы, «СПС» ЖШС-нің бас инженері Вячеслав Камашев, «Биоорта» ЖШС экологы Сұлушаш Құдабаева қатысты.
Тыңдауда құрылыстың орналасу схемасы, оның республикалық маңызы жайында жан-жақты айтылды.
Алдын ала жасалған техникалық-экономикалық көрсеткіштер бойынша, өткел ұзындығы - 12,16 шақырым, негізгі көпірдің ұзындығы - 1,51 шақырым. Шара барысында қатысушылар пікірлерін жеткізді.
Болатбек ЫБЫРАЙ
Ақжайық ауданы
