Халқымыз қашанда отбасылық құндылықтарды жоғары қоятыны белгілі. Әсіресе ұрпақ өсіріп, оны тәрбиелеуде алтын құрсақты аналардың алар орны айрықша. Халқымыз ондай жандарды қашанда қадір тұтады, құрметтейді. Сондай құрмет таяуда переметныйлық қос анаға бұйырды. Бұл жолғы марапат ел Президентінен келді.
Қазақстан Республикасының Президенті Қасым-Жомарт Тоқаевтың Жарлығына сәйкес Бәйтерек ауданы Переметный ауылында тұратын Айгүл Есқалиева мен Зина Иманқұлова "Күміс алқамен" марапатталды. Қос ананың бірі "Нұрлы жер" мемлекеттік бағдарламасы бойынша Үлкен Шаған және бірі Дариян ауылдарынан қоныс аударған. Марапат иелеріне «Күміс алқаны» ауылдық округінің әкімі Бекзат Бадақов салтанатты түрде табыстады.
Аудандық әлеуметтік қамсыздандыру жөніндегі бөлімнің мәліметінше, ауданымызда 119 «Алтын алқа» және 303 «Күміс алқа» иелері бар.
Нұрлыбек Қыдырғалиұлы,
Бәйтерек ауданы
zhaikpress.kz
