Алғыс айту күніне орай Қазталов ауданы Жалпақтал ауылдық округінің әкімі Самиғолла Ақмурзин еңбек ардагерлері Рысты Қожақова, Масғұт Сариевты және ұзақ жыл денсаулық саласында абыройлы қызмет атқарған Мәриям Бекешеваны қабылдады.
- Бүгінгі мерейтой иелерінің туған күндері Алғыс айту күніне тұспа-тұс келіп отыр. Сіздер ауданның дамуына зор үлес қостыңыздар. Біз бұны әрдайым мақтан етеміз, -деген Самиғолла Сафиоллаұлы ардагерлерге алғыс хат пен ескерткіш сыйлық табыс етті.
Ауданның қариялары өз кезегінде ауыл әкіміне алғысын білдіріп, заманның тыныштығын тіледі.
Тұрарбек АҚМУРЗИН,
Жалпақтал ауылы
zhaikpress.kz