Қасиетті Құрбан айт мерекесіне орай Сырым ауданының орталық мешіті мен «Сырым» деструктивтік діни ағымдардан жапа шеккендерге көмек орталығы» қоғамдық бірлестігінің ұйымдастыруымен қой көтеруден онлайн жарыс өтті, деп хабарлайды бас имам Әділхан Наурызбай.
Жарысқа қатысуға өтініш білдіргендер шарт бойынша қой көтерген сәттерін бейнежазбаға жазып, ұйымдастырушыларға жолдады. Әр қатысушыны бақылаушылар қадағалады.
Жарыс қорытындысы бойынша, қойды 44 мәрте көтерген Ернар Жұмағалиев жеңімпаз атанды. ІІ орынды Мейірхан Талғатов, ІІІ орынды Дархан Есжанов алды. Жақсы нәтиже көрсеткен Алтынбек Сайынов ынталандыру жүлдесімен марапатталды.
Бауыржан Ширмединұлы,
Сырым ауданы
zhaikpress.kz