Теректі ауданы Көшім ауылынан жаяу шыққан азамат жолды қысқартпақ болып орман ішімен жүреді. Абай ауылына жол тартқан ол 17 ақпан сағат 22.00-де адасып кетеді.
БҚО ТЖД Жедел-құтқару жасағынан түскен ақпарға сүйенсек, 1959 жылғы ер адамды құтқарушылар іздеп, 4 сағаттан соң тапқан. Абырой болғанда, дін аман. Тек қатты суықтан аяғын үсік шалған.
Құтқарушылар оны Абай ауылына жеткізіп, аудандық жедел жәрдем бригадасына табыстады.
zhaikpress.kz
