9.01.2017, 15:49
Оқылды: 14

Сайқын ауылында інісі ағасын пышақтап өлтірді

oltirdi  Бөкей ордасы ауданы орталығы Сайқын ауылында 6 қаңтар күні қайғылы оқиға орын алды. Аудандық ішкі істер бөлімінен алынған алдын ала мәліметке қарағанда, 1989 жылғы Бекет Қожантаев алдымен жеңгесі Қарашашқа пышақ жұмсаған. Сол кезде арашаламақ болған өзінен бір жас үлкен ағасы Медетке төрт рет пышақ сұққан. Марқұм аудандық ауруханаға жеткенше жан тапсырған.


  Төрт айлық сәбиі бар жеңгесі қазір аудандық ауруханада емделуде. Қазіргі кезде осы дерекке байланысты қылмыстық іс қозғалып, сот-медициналық сараптамалар тағайындалып, тергеу амалдары жүргізілуде.

  Ауыл тұрғындарының айтуынша, арасы бір жас болғанымен, Медет пен Бекет мектепті бір жылда бітірген. Інісі жоғары білімді болғанымен, үш-төрт айдай үйінде жұмыссыз отырған. Бұрын олардың ашу-араздықтары байқалмаған.

  Бір шаңырақты ортасына түсірген қайғылы оқиғадан кейін бүгін Медет жер қойнына тапсырылды.

   Елжан Ералы

www.zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале