Шыңғырлау аудандық орталықтандырылған кітапханасында «Ұлағатты отбасы – ұлт құндылығы» атты оқырман бенефисі өтті. Оған кітапханамыздың тұрақты оқырмандары Сәния Бекболатова мен ұлы Равиль Валиев қатысты.
Кітапхана мен отбасы ортасындағы тұрақты қарым-қатынасты қалыптастыру, отбасылық тәрбиенің үздік үлгілерін насихаттау бағытында өткен шара барысында Сәния Расихқызы отбасындағы кітап оқу тарихына тоқталды.
Кітап – адам өмірінде маңызды роль атқарады. Ол елді, жерді сүюге, талапты, кішіпейіл болуға, мейірімділікке, төзімділікке баулиды.
Ал, Равиль Валиев мектепте оқып жүрген кезінен кітапқа құмар болып, жазғы демалыста 30 шақты кітапқа дейін оқып шығатынын әңгімеге арқау етті.
- Кітапты көп оқыған адамда сөздік қоры молайып, айналасындағы адамдармен тез тіл табысуға, емін-еркін сөйлей алуға мүмкіндік береді. Бүгінде ұстаздық жолымда да, бірнеше тілді еркін меңгеруіме де осы көп оқығанымның пайдасы тиді, - деп қорытындылады сөзін ол.
Шараға туризм және экология бөлімінің мамандары мен кітапханашылар қатысты.
Мөлдір Жайымова,
Шыңғырлау аудандық орталықтандырылған
кітапханасының кітапханашысы
