Бұл туралы бүгін тұрғындар алдында есеп берген Сырым ауданының әкімі Т.Төреғалиев баяндады.
Сырым ауданында 1199 шағын кәсiпкерлiк нысан тіркелген, нақты жұмыс жасайтыны – 1008. Аталған бизнес субъектілері қазір ауданның 2257 тұрғынын тұрақты жұмыспен қамтып отыр. Кәсіпкерлік нысандардан былтыр 148,1 млн. теңге салық түскен.
- 2016-2020 жылдарға арналған шағын және орта бизнес саласын дамыту жоспары бойынша жоспарланған 16 жобаның өткен жылы құны 219,0 млн. теңге болатын 6 жоба жүзеге асып, 22 тұрақты жұмыс орны ашылды. Олар: Жымпиты ауылынан «Нефтек» жанар-жағармай құю бекеті, ветеринарлық дәріхана, таза ауыз су құю дүңгіршегі, қымыз шығару цехы, Бұлдырты ауылынан шаштараз, Тоғанас ауылынан балық шаруашылығы. Өткен жылы басталған «Жібек Жолы» ШҚ-ның жолаушыларға арналған кешені, мал сою пункті, «Өркен» құрылыс-сауда дүкені, «Батпақты» шаруа қожалығының мал бордақылау алаңы сынды ірі жобалардың аяқталуы биылға жоспарланып отыр,-дейді аудан әкімі Т.Төреғалиев.
zhaikpress.kz
Суретке түсірген Айбатыр Нұраш
