1.07.2019, 15:39
Оқылды: 488

Сырым ауданында «Лагерь барысы – 2019» анықталды

Сырым ауданындағы аудандық «Достық» жазғы демалыс лагерінің демалушылары арасында қазақ күресінен «Лагерь барысы – 2019» турнирі өтті.

IMG-20190701-WA0025

Турнирге 2008-2009 жылдары дүниеге келген жасөспірімдер қатысты. Іріктеу белдесулерді сәтті өткізген 4 балуан өзара жүлделі орындарға таласты. Бозкілемге «Шойын» лақап атымен шыққан аралтөбелік Мирлан Қонысбай алғабастық қарсыласы Нұрзат Хамидолланы, яғни «Найзағайды» жеңіп, «Лагерь барысы – 2019» атанды. «Шойынға» лайықты қарсылас болған «Найзағай» бірінші орынды иеленді. Кейінгі орындарды «Қабанбай» лақап атымен күрескен жетікөлдік Ермахан Ерсайын мен Алғабастың «Бөрісі» Арсен Бақсықов бөлісті.

IMG-20190701-WA0027

-Жас ұрпақтың рухын биіктетуде ұлттық спорттың алатын орыны өте зор. Ауданда тұңғыш рет өткен «Лагерь барысы» жобасы сол мақсатты ақтады. Жас балуандар өздерін батыр сезініп, бозкілемде қазақ жігітіне тән қайратын, мінезін көрсетті. Осы жарыстан кейін күреске қатыспайтын балалардың арасында қазақ күресіне деген ынта пайда болды,- дейді «Достық» жазғы демалыс лагерінің меңгерушісі, турнирдің ұйымдастырушысы Нұрболат Жұмағазиев.

IMG-20190701-WA0045

Бауыржан Ширмединұлы,

Сырым ауданы

zhaikpress.kz

Батыс Қазақстанның маңызды жаңалықтарын біздің Instagram-дағыпарақшамыздан және Telegramарнамыздан алғашқы болып біліңіздер

Узнайте первым о важных новостях Западного Казахстана на нашей странице
в Instagram и нашем Telegram - канале