Бұл жайлы Сырым ауданы әкімі Төлеген Төреғалиев халық алдындағы есептік кездесуінде баяндады.
-Сырым ауданында шағын және орта бизнес саласында 1239 шаруашылық субъекті тіркелген. Онда барлығы 2 280 адам жұмыс жасайды. Мемлекет тарапынан жаңа жобаларды қолдауға 102 кәсіпкерге шағын несие ұйымы арқылы 492,2 млн теңге несие беріліп, 4 36 жұмыс орны ашылды.
Биыл «Жібек жолы» шаруа қожалығы автокешен құрылысын аяқтайды. Аудан орталығынан асхана ашу, «Sinool» авто жанар-жағар май кешенін салу, Алғабас ауылынан құс фермасын ашу, «Көшімбет» ШҚ Алғабас ауылдық округінен қымыз, шұбат өндіруі жоспарлануда. Аталған жобалар жүзеге асса биыл 65 жұмыс орны ашылатын болады.
Сондай-ақ, «Уайс» қожалығы 3 млн. теңге қайтарымсыз грант алып, гидропон әдісімен жасанды ортада бау-бақша дақылдарын және құс өсірумен айналыспақ,- деді Т.Төреғалиев.
Шынар Молданиязова,
Сырым ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер