Құрылғанына ширек ғасыр болған Тасқала аудандық арнаулы әлеуметтік қызмет көрсету орталығы өз мерейтойын атап өтті.
Мерейтойға келген қонақтар алдымен мекеме ішін аралап, жұмыс барысымен танысып шықты. Қызмет алушылардың хал-жағдайын сұрап, ақсақалдар мен кейуаналарымызға денсаулық тіледі.
-25 жылдық тарихы бар мекемеде осы уақыт аралығында барлығы 183 адам қызмет алған. Соның ішінде 35 жан өз еркімен шығып кетсе, 119-ы мәңгілік сапарға аттанған. Қазіргі таңда 30 кісіге арналған мекемеде 29 қария тәрбиеленуде. Оларға мемлекеттік лицензияға сәйкес бюджет қаражаты есебінен арнаулы әлеуметтік қызметтер көрсетеледі, - деді аталмыш мекеме басшысы Г.Тұрғаналиев.
Мерекелік жиын аудандық мәдени-демалыс орталығының көркемөнерпаздары концертіне ұласты.
Әсемгүл БЕКЕШЕВА,
Тасқала ауданы