Тасқала ауданы Тасқала ауылдық округінің ұйымдастыруымен жалпы аудандық сенбілік өткізілді.
Оған 59 мекеме қатысты.
Таңертеңнен күрек, сыпырғы ұстаған әр мекеме қызметкерлері көше бойын тазартты. Арнайы көліктер қоқыстарды аудан сыртына шығарды.
Аудан аумағын көріктендіру, тазалау және көгалдандыру мақсатында өткізілген жалпы аудандық сенбілікте бірқатар жұмыс атқарылды. Берілген мәлімет бойынша сенбілікке 350 адам қатысып, 10 шақырымдай жол жиегі, 10 текше метр күл-қоқыс шығарылған. Жұмысқа барлығы 2 техника жұмылдырылды.
Болатбек Сапаргалиев,
Тасқала ауданы,
zhaikpress.kz