БҚО табиғи ресурстар және табиғат пайдалануды реттеу басқармасының ұйымдастыруымен «Таза жағалау» акциясы өтпек.
Шараға Чапаев орман және жануарлар дүниесін қорғау жөніндегі мемлекеттік мекемесіне қарайтын аумақта Ақжайық ауданының 540-тан астам тұрғыны, мекеменің өзінен 58 жұмысшы-қызметкер қатысады. Жылдағысынша, өзен, көл, су арналарының бойын қалдық-қоқыстан арылтуға барлығы 20-дан астам трактор, тіркеме, жүк көліктері шығарылады.
«Ауылдық округ әкімдерімен тығыз байланыстамыз. Акция ертең сағат 8:30-да басталады. Қатысатындар арасында біздің ардагер орманшылар да аз емес»,-дейді мемлекеттік мекеменің директоры Мәлік Мұхтар.
Бекем БЕКҰЛЫ
Ақжайық ауданы