Орал шаһарында өткен «Таңғы шұғыла» халықаралық байқауы теректіліктер үшін жемісті болды.
Аудан намысын 6-9 жастағы «Дуэт» аталымында қорғаған Сұлтан және Бейбарыс Ғарифуллиевтер үздік өнер көрсетіп, гран-при иегері атанды. Аталмыш жас аралығында бақ сынаған 18 балғын әншінің арасынан ерекшеленген егіздер, енді мамыр айының 5-15 күндері Түркияда өтетін байқауда еліміздің абыройын арттырмақ. Осы байқауға қос талантты дайындаған аудандық №2 саз мектебінің оқытушысы Таңат Жексенбаев та ұйымдастырушылардың Алғыс хатына ие болды.
Әділет Әлібекұлы,
Теректі ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
