БҚО табиғи ресурстар және табиғатты пайдалануды реттеу басқармасы ұйытқы болған «Таза жағалау» акциясына теректіліктер де үн қосты.
Акция мақсаты – өзен мен көлдер, бөгет-тоғандардың жағалауына тазарту жұмыстарын жүргізу. Аталған жұмысты атқаруда аудан орталығындағы мекеме қызметкерлері белсенділік танытты. Әсіресе, аудандық жұмыспен қамту және әлеуметтік бағдарламалар бөлімі, аудандық экономика және қаржы бөлімі, аудандық мәдени-демалыс орталығы және аудан әкімі аппаратының қызметкерлерін атап өткен жөн.
Тазарту жұмыстары халық арасында «Жаңа тоған» және «Ескі тоған» аталып кеткен аумақтарда жүргізілді.
Әділет ЗЕРЕ
Теректі ауданы
zhaikpress.kz
