16.01.2020, 17:50
Оқылды: 45

Төтеншеліктердің есебі тыңдалды

Бөкей ордасы аудан әкімдігінде облыстық төтенше жағдайлар департаменті бастығының орынбасары Ақылбек Ахметжанов және аудан әкімі Нұрлан Рахымжановтың төрағалығымен аудандық төтенше жағдайлар бөлімі мен № 19, 26 өрт сөндіру бекеттерінің 2019 жылда атқарған жұмыстарын қорытындылаған жиын өтті.

orda tj (1)

Жиын барысында аудандық төтенше жағдайлар бөлімінің бастығы Тұрарбек Апақаев, № 19 өрт сөндіру бекетінің бастығы Сабыржан Ибрашев, № 26 өрт сөндіру бекетінің бастығы Қуанышбек Еркінәлиев өткен жылда атқарылған жұмыстары туралы баяндама жасады.

2019 жылдың 12 айында 7 өрт оқиғасы тіркелген. Таратып айтсақ, 6 өрт оқиғасы тұрғын үй секторында, 1 өрт оқиғасы автокөлікке қатысты орын алған. Оған қоса 11 даладағы өрт оқиғасы тіркелген.

orda tj (3)

Бір өрт оқиғасы бойынша өрт қауіпсіздігі ережелерін бұзған кінәлі тұлға әкімшілік жауапкершілікке тартылды. 2018 жылмен салыстырсақ, 53,3%-ға азайған. 2018 жылы 15 өрт оқиғасы тіркеліп еді. Өрт қауіпсіздігін сақтау, төтенше жағдайдың алдын алу ережелерін сақталмаған сегіз мекеменің ісі сотқа жолданған. ҚР ӘҚБК-нің 462-3 бабына сәйкес айыппұл салынып, 850 100 теңге өндіріліп алынды.

orda tj (2)

Аудандық төтенше жағдайлар бөлімінің басшысы Тұрарбек Апақаев қажетті шаралар мен бақылау-қадағалау жұмыстарының тиісті деңгейде жүргізілуі үшін қызметтік көлік қажеттігін айтып, өтініш білдірді.

Еркебұлан Рахметолла

Бөкей ордасы ауданы

zhaikpress.kz

Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер

Узнайте первым о важных новостях Западного Казахстана на нашей странице
в Instagram и нашем Telegram - канале