Шыңғырлау ауданынан 15 шілде күні бастау алған веложорық аудан орталығы Федоров ауылына кеп аялдады.
Аталмыш веложорық облыстық балалар және жасөспірімдер туризм орталығы және облыстық білім беру департаментінің қолға алуымен «ЭКСПО-2017» халықаралық көрмесін қолдау мақсатында ұйымдастырылған. Жорыққа 9 аудан мен Орал қаласының жас велошабандоздары қатысуда. Жоспар бойынша жорыққа қатысушылар бүгін Пойма ауылында түнеп, ертең, яғни, 20 шілде күні Орал қаласына кеп тоқтайды.
Ауданымыз бойынша «шайтанарбаны» тізгіндеушілердің қатарында 3 оқушы және жетекші ретінде аудандық балалар және жасөспірімдер туризм орталығының директоры Н.Қоқашев бар. Федоров ауылына аялдаған жорық қатысушыларын округ әкімі М.Энгелов қарсылап, сапарларына сәттілік тіледі.
Әділет ЗЕРЕ
Теректі ауданы
zhaikpress.kz
