Елбасымыз Нұрсұлтан Назарбаев жыл сайын кемінде алты миллион шаршы метр тұрғын үйді пайдалануға беру туралы тапсырма берді.
Ол бүгінде «Нұрлы жер» бағдарламасы бойынша жүзеге асырылып келеді. Соңғы жылдары мемлекетіміздің береке-бірлігінің арқасында көптеген игі шаралар ауыл тұрғындарына қуаныш сыйлауда.
1 желтоқсан - Қазақстан Республикасының Тұңғыш Президенті күні мерекесі қарсаңында бүгін Жалпақтал ауылында «Нұрлы жер» бағдарламасымен көп балалы отбасыларға, әлеуметтік жағынан қорғалуға жататын топ мүшелеріне, ата-анасының қамқорлығынсыз қалғандарға арнап салынған он екі пәтерлі тұрғын үй пайдалануға берілді.
Өткен жылы да Жалпақтал ауылынан он екі пәтерлі тұрғын үй пайдалануға берілген еді. Биыл сол үрдіс тағы да жалғас тауып, ауылдастарды қуанышқа бөледі.
Пәтер кілттерін Батыс Қазақстан облысының әкімі Ғали Есқалиев үй иелеріне өз қолымен табыс етіп, қоныстой иелерін құттықтады.
Аталмыш тұрғын үйді «Kazakhstan GIGA Trade» ЖШС мердігер атанып, уақытында сәтті аяқтады.
Қыдыр Харесұлы
суретке түсірген Мейірбек Тажкуранов
Қазталов ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер