Елбасы Н.Ә.Назарбаевтың Жарлығымен жарияланған «Жастар жылы» шеңберінде Жаңақала ауданында «Самғау» жастар коворкинг орталығы ашылды.
Ашылу салтанатына облыс әкімінің орынбасары Ғабидолла Оспанқұлов, аудан әкімі Наурызбай Қарағойшин және бірқатар облыстық басқарма басшылары қатысты.
Аталмыш орталықтың жасақталуына аудандық бюджеттен қаржы қарастырылып, өткен жылдың соңында жөндеу жұмыстары аяқталған болатын. Жастардың бос уақытын тиімді ұйымдастыруға арналған орталықтың ауыл жастарына берері мол. Жастар коворкинг орталығы заманауи үлгідегі компьютерлік құрал-жабдықтармен қамтылып, кең жолақты интернет желісіне қосылған.
Орталық жұмысымен танысқан Ғабидолла Абдоллаұлы, одан әрі жөндеуден өткізілген аудандық жастар ресурстық орталығының ғимаратында болып, жастармен кездесіп, орталық жұмысына табыс тіледі.
Қ.Құмаров,
Жаңақала ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
