Орал мен Жәнібектің ортасындағы қатқыл табанды жол төсеу жұмыстарының жобалық-сметалық құжаттамасын жасақтау мақсатында ауданымызға Астанадан, Оралдан жобалаушы мамандар келді.
Олар Жәнібектегі шекаралық өткізу пункітінде және аудан орталығындағы жүк түсіруге арналған темір жол тұйығына барып, көлік ағынын реттеуіш құрылғылар орнату, демонтаж жұмыстары мен қатқыл табанды жолға тасымалданатын материалдарды жеткізудің жай-жапсарына егжей-тегжейлі қанықты.
Аудан әкімінің орынбасары Жақсылық Абдоловтың төрағалық етуімен өткен мәжілісте жобалаушы мамандар аудандағы жол құрылысына қатысты мүдделі мекемелер басшыларымен кездесіп, мән-жаймен жіті танысып, негізгі мәселелерді талқылады.
Жобалаушылардың айтуынша, жол құрылысының жобалық-сметалық құжаттамасы шамамен 5 айдың ішінде жасақталып, наурызда сараптамадан өткізіліп, сәуір, мамыр айларында тендер оздырылу күтіледі.
Н.Өтей
Жәнібек ауданы
zhaikpress.kz
