Жәнібек ауданында техникалық паркті жаңарту, жаңа техникалар алу жұмыстары қарқын алуда.
Аудандық ауыл шаруашылығы бөлімінің басшысы Арман Исқақовтың айтуынша, өткен жылы жаңадан 17 МТЗ-80 және МТЗ-82 тракторлары мен ауыл шаруашылығы техникалары алынған. Жаңа техникаларды лизинг жүйесімен алу ісі биыл да жалғасын таппақ.
–Алдағы міндет – әр ауылда ауыл шаруашылығы техникаларын жөндейтін шеберханалар мен қосалқы бөлшектер сататын дүкендер ашу. Қосалқы бөлшектерді Ресейден әкеліп сатуды ұйымдастырса, жұмысымыз алға басады,-дейді аталған бөлім басшысы өз сөзінде.
Н.Өтей
Жәнібек ауданы