Жәнібектегі орталықтандырылған кітапхана жүйесінің директоры С.Жукина, орынбасары Ж.Мұстафина, әдістеме бөлімінің меңгерушісі Н. Мұханбетқалиевалар Ресей Федерациясының Волгоград қаласында өткен «Кітапханадағы түрлі салт-дәстүрлерді насихаттау жұмыстары» тақырыбындағы дөңгелек үстелге қатысып қайтты.
Шарада Волгоград қаласындағы Мемлекеттік әлеуметтік-педагогикалық университетінің кітапханасы директорының орынбасары Т. Зубарева, Мемлекеттік медициналық университеті кітапханасының ғылыми бөлімінің меңгерушісі С. Замылина, татар мәдени-білім орталығы төрағасынын орынбасары Ю. Бальбекова өз оқу орындарындағы өзге ұлт өкілдерінің студенттерімен жүргізілген жұмыстарына кеңінен тоқталып кетті.
Жәнібек ОКЖ-нің кітапхана қызметкерлері «Шекарасыз кітапханалық кездесулер» атты баяндама-слайд арқылы Палласовка, Эльтон аудандарының кітапханасымен мәдени байланысын таныстырды. Мамандар М.Горький атындағы облыстық әмбебап-ғылыми кітапханасының бөлімдерін аралап, кітапханалардағы жүргізілген жұмыстарды көріп, пікір алмасты.
Меңдігүл ФАЗЫЛОВА
Жәнібек ауданы
