Жәнібек аудандық балалар-жасөспірімдер туризмі және экология орталығының қосымша білім беру педагогтары Тұрдыбек Сәрсенбай, Асқар Есекеев, Мерлан Хамиев, Ерлан Ниғметов, Лунара Сабырғалиева бірінші дәрежелі шаңғы жорығына шығып қайтты.
Ондағы мақсат – қосымша білім беру педагогтарының біліктіліктерін арттыру, салауатты өмір салтын насихаттау. Жорық Қазталов ауданының БЖТжЭО-ның қосымша білім беру педагогтарымен бірлескен түрде ұйымдастырылды. Шаңғы жорығы «Қазталов -Беспішен-Ордабай-Қошанкөл-Қараоба-Еңбекші-Жақсыбай» бағдары бойынша өткізілді.
Жорық барысында қатысушылар аталған ауылдардың тыныс-тіршілігімен, мәдени ошақтарымен танысып, мол мәліметтер жинақтап қайтты. Ауа райының суықтығына қарамастан педагогтар алты күн жорықтың үш күнін қысқы шатырда түнеп шықты.
А.Есіркепов,
Жәнібек ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер