Сырым ауданы Жымпиты ауылындағы С.Датұлы атындағы алаңда дәстүрлі тай жарысы өтті.
Жарысқа қатысқан онға жуық тайдың арасынан осы жолы жымпитылық Әлібек Исмағұловтың «Жұлдыз» атты тайы мәреге бірінші келді. Шабандозы – Бекжан Сәмиғоллин. Ал екінші және үшінші орынды өлеңтілік атбегі Төлеби Қайыржановтың тайлары алды. Бұл жеңіс - Хамит Тұрлыхан шапқан «Алаяқ» пен Нұрсұлтан Өтепов шапқан «Ханшайымның» алғашқы нәтижелері ғана. Жанкүйерлер алдағы жарыстарда Төлебидің тайлары топ бастайды деп топшылауда.
-Тай жарысының маусымы өте сәтті басталуда. Жарыс енді қызады. Келесі жолы тай жарысынан бөлек, ауыл жастары арасында аударыспақтан сайыс өткізуді жоспарлап отырмыз. – дейді «Қайсар» спорт клубының директоры Ерболат Мұқанов.
Бауыржан Ширмединұлы,
Сырым ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
