Қазақстандық боксшы Абылайхан Құсайынов (12-0, 9 КО) кәсіпқой рингтегі 13-кездесуін өткізді, деп хабарлайды Prosports.kz.
Фото: Eye of the Tiger Management
Мәскеудегі бокс кешінің басты жекпе-жегінде Абылайхан 31 жастағы ресейлік Артур Артур Субханкуловқа төрешілер шешімімен жол берді. Кездесу он раундқа созылды.
Қазақстандық боксшы кейінгі жекпе-жегін былтыр желтоқсанда Алматыда өткізіп, тәжікстандық Бахтовар Сагизовті мерзімінен бұрын жеңген.
Осылайша, Абылайхан Құсайынов кәсіпқой карьерасында алғаш рет жеңіліп отыр.