«Балалардың игілігі үшін» республикалық акциясы аясында қаламыздағы Д. Нұрпейісова атындағы балалар музыка мектебінде оқушылардың жазғы демалысын толыққанды ұйымдастыру жоспар бойынша өтуде. Демалыс кезінде шығармашылық қабілеттерін дамыту, қазақ халқының тарихи-мәдени мұрасын, ұлттық дәстүрлерін зерделеу және патриотизмге тәрбиелеу мақсатында тәрбиелік шаралар қолға алынды.
Мектеп – білім берумен қатар, тағылымды тәлім-тәрбие түрлерін ұйымдастыратын өнеге ордасы. Тәрбие мазмұны ұйымдастырушының шеберлігімен ұштасқанда қандай шара болмасын, шәкіртке рухани азық болып, жарқын құбылыстарға жетекші бола бермек.
Өтіп жатқан шаралар барысында оқушыларымыз спорттық, викториналық ойындарға белсене қатысты. Әуезді ән шырқап, күй тартып, би биледі.
Балалардың жүрегіне ізгілік пен қуаныш ұялатқан жазғы демалыс кезеңінде оқушылар бос уақытын тиімді пайдаланып, белгілі бір бағытта қабілеттерін жетілдіріп қайтты.
А. Айсариева,
Д. Нұрпейісова атындағы БММ
мектеп директорының тәрбие
жөніндегі орынбасары,
Орал қаласы
