Батыс Қазақстан облысында балық пен балық өнімдерінің заңсыз өндірілуі мен айналымын анықтауға, алдын алуға және жолын кесуге бағытталған кең ауқымды акциясы өткізіліп жатыр.
"Бекіре-2023" жедел профилактикалық іс-шараның барысында ҚР ӘҚБтК 383-бабы бойынша балық аулау ережелерін бұзғаны үшін әкімшілік жауапкершілікке 45 адам тартылды. Бұл туралы БҚО ПД баспасөз қызметі хабарлады.
Олардың тарапынан келтірілген айыппұлдардың жалпы сомасы 776 250 теңге.
Балық ресурстарын, басқа да су жануарларын немесе өсімдіктерін заңсыз өндіру фактісі бойынша ҚР ҚК 335-бабы 1-бөлігіне сәйкес 8 факт бойынша сотқа дейінгі тергеу амалдары басталды.
Ақжайық ауданы Жаңабұлақ ауылдық округінің Бітік су қоймасының жанында 1947 жылғы азамат тізгіндеген "Toyota RAV4" маркалы автокөлігі тексерілді.
Орал қаласының тұрғыны тиісті құжаттарсыз жартылай тұқымды балықты тасымалдаған. Полиция қызметкерлері резеңке қайық пен торлармен араласқан 8 қап балықты тәркіледі.
Ақжайық ауданы Шабдаршаб ауылының маңында, Жайық өзенінде заңсыз балық аулау күдігі бойынша 1988 және 1989 жылғы екі азамат ұсталды.
Олардан үш балық аулау құралы, ағаш қайық, он төрт қап жартылай тұқымды балық тәркіленді.
zhaikpress.kz
