Ертең сағат 11.00-де «Атамекен» өнер ордасында «Көктем басы - көрісу» мерекелік шарасы өтеді. Бұл туралы өңірлік коммуникациялар қызметінің баспасөз алаңында айтылды.
14-21 наурыз күндері «Деркөл» мәдени-демалыс орталығында «Бір жасыңмен» театрландырылған көрініс, әдет-ғұрып, салт-дәстүр апталығы өтеді. Бұдан басқа, облыстағы кітапханалар мен музейлерде, аула клубтарында «Ынтымақ пен берекенің бастауы-Көрісу айт», «Бір жасыңмен», «Салт-дәстүрлер-таусылмайтын байлық» атты мерекелік шаралар өтеді.
Сонымен қатар наурыз айында «Атамекен» өнер ордасында облыс көркемөнерпаздарының «Туған жерім - тұғырым» халық шығармашылығы фестивалі басталады.
Фестивалді қазан айында аяқтау жоспарланып отыр. Аталмыш фестивальге халықтық ұжымдармен қатар әуесқой жанрлық көркемөнерпаз өнер ұжымдары қатысып, қолөнер көрмесі ұйымдастырылады. Фестивальдің ашылуы Наурыз мерекелеріне орайластырылып отыр. Фестиваль шымылдығын 14 наурыз күні Тасқала ауданының көркемөнерпаздары ашады. 30 наурызда Ақжайық ауданы, 6 сәуірде Бөрлі ауданы, 13 сәуірде Бәйтерек, 4 мамыр Сырым ауданы, 18 мамыр Теректі ауданы, 8 маусым Қаратөбе ауданы, 15 маусым Шыңғырлау ауданы, Казталов ауданы 6 шілде, Жаңақала ауданы 20 шілде, Жәнібек ауданы 10 тамыз, Бөкейордасы ауданы 14 қыркүйек және 28 қыркүйекте Орал қаласының шығармашылық ұжымдары фестивальді аяқтайды.
zhaikpress.kz
6.06.2023, 17:24
6.06.2023, 15:44
5.06.2023, 17:00
4.06.2023, 10:13
