Қазболат Құрмашев дзюдодан халықаралық дәрежедегі спорт шебері атанды

Айта кетейік, Қазболат Сағынғалиұлы Польшаның Краков қаласында 2022 жылдың 8-11 қыркүйек күндері дзюдо күресінен ардагерлер арасында Әлем чемпионы атанған болатын.  Чемпионаттың алғашқы күні 60-64 жас аралығында 60 келі салмақ дәрежесінде  сынға түскен жерлесіміз барлық қарсыласынан басым түсіп, дзюдодан әлем жеңімпазы атанды.

Бұл жеңіс оған «Қазақстан Республикасының халықаралық дәрежедегі спорт шебері атағына» ие болуға үлкен үлес қосты.

Еске сала кетсек, спортшы осы уақытқа дейін самбодан алтымәрте әлем чемпионы атанған еді.

Қазболат Сағынғалиұлының айтуынша, ол мамыр айында Солтүстік Кореяда өтетін Азия ойындарына дайындықты бастаған.

Динара Насыр,
zhaikpress.kz

Фотоға түсірген: Гүлмира Сәрсенғалиева