БҚО ПД экстремизмге қарсы іс-қимыл және есірткі қылмысына қарсы іс-қимыл басқармасының қызметкерлері Жаңақала ауданы Қызылоба ауылынан 500-ге жуық қарасор өсірілген алқапты тауып, тәркіледі.
Облыстық департаменттің баспасөз қызметі хабарлағандай, «Қарасора» республикалық жедел-алдын алу іс-шарасын өткізу кезінде 48 жастағы ауыл тұрғыны 427 түп каннабис өсіргені анықталды. «Бағбанның» тұрғылықты жері бойынша қарасора шегуге арналған құрылғы тәркіленді. ҚР ҚК 300-бабының 1-бөлігіне сай (құрамында есірткі заттары бар, өсіруге тыйым салынған өсімдіктерді заңсыз өсіру) аталған дерек бойынша сотқа дейінгі тергеу басталды.
zhaikpress.kz