23 ақпанда «ANTIKOR ORTALYGY» сервистік орталығында облыс әкімінің орынбасары А.А.Алпысбаев, БҚО Сыбайлас жемқорлыққа қарсы қызметтің басшылығы және мемлекеттік органдары өкілдерінің қатысуымен жиын өткізілді.
Жиын барысында Нұр-Сұлтан қаласында жүзеге асырылып жатқан «Цифрлы Қазақстан» мемлекеттік бағдарламасы шеңберіндегі жобалар, соның ішінде мектептегі тамақтануды мемлекеттік сатып алудың автоматтандырылу мәселесі талқыланды.
Нақтырақ айтқанда орта білім беру ұйымдарында білім алушыларды тамақтандыруды ұйымдастыру, сондай-ақ мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етумен байланысты тауарларды сатып алуды автоматтандыру қаралды.
БҚО облысының ақпараттандыру, мемлекеттік көрсетілетін қызметтер және архивтер басқармасы басшысы м.а. П.С.Лежников бұл мәселені қарап, ұсыныстар енгізетінің айтты.
БҚО білім басқармасы басшысының орынбасары А.Б.Жунусова тамақтандыруды қамтамасыз етумен байланысты тауарларды сатып алуды автоматтандыру жұмыстар жүргізуге дайын екендіктерін жеткізді.
Жиын қорытындысы бойынша аталған тәжірибені өңірімізде жүзеге асыру мүмкіндігін қарастыру бойынша мемлекеттік органдарға ұсыныстар берілді.
