Облыстық дене шынықтыру және спорт басқармасының басшылығымен ұлттық ат спорты түрлерінен жастар мен жасөспірімдер арасында оқу-жаттығу жиыны ұйымдастырылып, Жәнібек ауданының бірқатар шабандоздары бақ сынасып қайтты. Атаулы шара облыстық балалар-жасөспірімдер спорт мектебінде өтіп, білекті жігіттер көкпар, аударыспақ, теңге ілу, жамбы атудан сынға түсті.
Жиын қорытындысы бойынша көкпаршылар жүлделі ІІІ орынға ие болса, аударыспақтан 52 келі салмақ дәрежесі бойынша Асылжан Есқалиев ІІІ орын, 57 келіден Рахат Жұманиязов ІІІ орын, Оралхан Ғаббасов І орын, 65 келіден Сәбекенов Аңсар І орын, 72 келіден Дәулет Сатан ІІ орын, 79 келіден Жалын Бисембаев ІІ орын, 85 келіден Бекарыс Бейбітұлы І орын, +85 келіден Ғасырбек Досболатов ІІІ орынға ие болды. Теңге ілуден жастар арсында Артур Ерғалиев ІІІ орын алса, жасөспірімдер арасында Ерболсын Мақашев жүлделі І орынға шықты. Жамбы атудан жасөспірімдер арасында Ақылжан Сәбекенов ІІ орынды, жастар арасында Дәулет Сатан ІІІ орынды қанжығасына байлады.
Бақытжан Маратұлы,
Жәнібек ауданы
zhaikpress.kz