Эльдар-Альмира Халеловтардың шаңырағында Элина, Эльнара және Эмир есімді ұл-қыздар өсіп жатса, енді міне, Айлина мен Амина өмірге келді. Дүние есігін қатар ашқан қос сәбимен ата-аналары көпбалалы отбасылар қатарына қосылды.
Сәбилердің әкесі Эльдар аудандық өрт сөндіру бөлімінде бөлімше командирі болып қызмет жасайды. Ал аналары Альмира «Бөбек» балабақшасында тәрбиешінің көмекшісі болып еңбек етеді.
Бұл сүйінші хабарды аудандық азаматық хал актілерін тіркеу бөлімінің басшысы Бағдагүл Зейнолақызы жеткізді.
-Бұл қуанышты жаңалық. Елімізде сәбилер саны көбейсе, ырысымыз да арта түспек. Балапандарымыздың болашағы жарқын болсын, – деді ол.
Асыл Қайрат,
Ақжайық ауданы
