Тәуелсіздікпен бірге қайта жаңғырған Наурыз мейрамы қазақ халқы үшін ерекше. Наурыз - жыл басы ғана емес, береке-бірліктің, ізгілік пен татулықтың, қайырымдылық пен кешірімділіктің, бауырмалдықтың мерекесі.
Ұлыстың ұлы күнінде Қаратөбе ауданында игілікті шаралар ұйымдастырылуымен қатар, жыл сайын Наурыз-қоржын таратылады.
Осы үрдіс бойынша Қаратөбе ауданы әкімінің атынан округ әкімінің міндетін уақытша атқарушы Самғат Зейнуллин ауыл тұрғындарын Наурыз мерекесімен құттықтап, Наурыз-қоржын таратты.
Шара барысында дәстүрлі әнші Нұршат Исламғалиев әннен шашу шашты.
-Наурыз – жаңару мен түлеудің, достық пен ынтымақтың мерекесі. Мереке аясында баршаңызға амандық-саулық, береке-бірлік тілеймін.
Ұлыс оң болсын! Ақ мол болсын! Мереке құтты болсын! - деді округ әкімінің м.у.а Самғат Серікұлы.
Үміт Шурина,
Қаратөбе ауданы
zhaikpress.kz