Халқымызда «ауылына қарап, азаматын таны» деген тәмсіл бар. Бүгінде Қараөзен ауылының да бірлігі мен ынтымағы артып, ауылда маңызы зор жобалар жүзеге асырылуда. Туған жеріне кіндік қаны тамып, білім нәрімен сусындаған мектеп түлектері де ауылын ажарландыруға өз үлестерін қосып жүр.
Бүгін Қараөзен ауылының 1993 және 2003 жылғы мектеп түлектері туған ауылдарына «Қараөзен» кіреберіс белгісін тарту етіп, 20 дана көше жарығын орнатып, іске қосты.
1993 жылғы мектеп түлектерінің Желтоқсан көшесіне орнатқан жарық шамдары 2 млн 500 мың теңгені құраса, 2003 жылғы мектеп түлектері сыйлаған кіреберіс тақтаның құны 2 млн 300 мың теңгені құраған.
Аудан әкімінің орынбасары Зәйлім Мажитова ауыл халқын қуанышымен құттықтап, түлектерге ризашылығын білдіріп, аудан әкімінің алғысын жеткізді.
Асылбек Нәсіпқали
Казталов ауданы
zhaikpress.kz
26.09.2023, 17:30
26.09.2023, 15:30
26.09.2023, 14:45
26.09.2023, 12:45
