Кеше аудан орталығындағы «Достық» саябағында «Көктемгі бағдарлау - 2023» атты аудандық спорттық жарысы өтті. Аудандық балалар-жасөспірімдер туризмі және экология орталығының ұйымдастыруымен өткен аудандық жарысқа 50-ге жуық оқушы қатысты.
- Жарыстың мақсаты балалар мен жасөспірімдер арасында спорттық бағдарлауды насихаттау, салауатты өмір салтын қалыптастыру, жас спортшылардың біліктілігін арттыру және үздіктерді анықтау болып табылады. Жүлделі орынға ие болған мектеп оқушылары жарыстың облыстық кезеңіне жолдама алды, - деді ұйымдастырушылар.
Жарысқа Қараөзен мектеп-лицейі, Казталов мектеп-лицейі, Алма Оразбаева атындағы ЖОББМ, Бостандық ЖОББМ-нің оқушылары қатысты. Нәтижесінде Бостандық ЖОББМ-нің оқушылары жүлделі І орын, Ғ.Қараш мектеп-гимназиясы ІІ орын, ал Қараөзен мектеп-лицейінің оқушылары жүлделі ІІІ орынға ие болды. Жарыс жеңімпаздары арнайы дипломдармен марапатталды.
Асылбек Нәсіпқали,
Казталов ауданы
zhaikpress.kz
