Ел тарихындағы айтулы дата Бөкей хандығының 220 жылдығы, Жәңгір хан мектебінің 180 жылдығына орай логотип байқауы жарияланғаны белгілі. Байқауға аудандағы музей-қорық, балалар техникалық орталығы мен мектептерден сегіз үміткер қатысты. Үміткерлердің ең жасы Нұртілек Машан М.Мәметова атындағы орта мектептің 7-сыныбында оқиды.
Арнайы комиссия шешімімен М.Бегалиева атындағы орта мектептің мұғалімі Сағадат Байболаваның жұмысы үздік деп танылды.
– Сағадаттың жұмысы логотиптың көркемдік талаптарына сәйкес, "сөйлеп тұрған" жұмыс, - деп бағалады комиссия мүшесі аудандық балалар техникалық шығармашылығы орталығы басшысы Мереке Махимов.
Байқауға жұмыстарын жолдаған барлық үміткерге сыйкәделер табысталмақ.
Ұлпан Әнуарқызы,
Бөкей ордасы ауданы,
zhaikpress.kz