Ылғалды ауа - қар, қар мен балшық бүгін сайлау учаскесінің қызметкерлерімен бірге Жымпитыдағы коммуналдық саланың қызметкерлеріне де жұмыс тауып берді. Дегенмен "Сырым" МКК қызметкерлері қауырт жұмыстың арасынан саяси таңдауын білдіруге уақыт тапты.
Ауылішілік автокөлік жолдарын қардан тазалап жүрген механизаторлар Нұрмұхамед Жұмағожиев пен Азамат Бақтығалиев тізгіндеп жүрген ZL - 30 жүк тиегіш пен МТЗ - 1221 тракторын жолдың жанына доғарып қойып, сайлау учаскесіне кіріп, дауыс берді.
№290 сайлау учаскесінің қызметкерлері механизаторларға жедел қызмет көрсетті.
Сырым ауданында сайлау елдің ынтымағымен ерекшеленуде.
Бауыржан Ширмединұлы,
суретке түсірген: Айман Өтеғалиева,
zhaikpress.kz
Сырым ауданы
