Бәйтерек ауданына қарасты Бәйтерек аудандық білім беру бөлімінің Тәрбие жұмысы орталығы жанында екі жылдан бері «Ақындық әліппесі» үйірмесі жұмыс жасайды.
«Ақындық әліппесі» үйірмесінің мақсаты – әдебиетке құштар, өлең жазуға әуес өскелең ұрпақтың өнерін ұштау, бағыт-бағдар беру.
Үйірме жұмысына жоғары санатты қосымша білім беру педагогі, белгілі ақын Ертай Бимұханов жетекшілік етеді.
Үйірмеге мемлекеттік тапсырыс бойынша жарық көрген автордың «Ақындық-азаматтық тұлға қалыптастыру жолдары» атты педагогикалық-әдістемелік кітабы негіз.
Үйірме мүшелерінің тырнақалды туындылары үйірмеішілік «Қауырсын», Бәйтерек аудандық «Ауыл тынысы» газеті беттерінде жарияланып келеді.
Үйірме мүшелері Абылайхан Ерқаштың «Адам болу – парызым», «Мен бір кітап ақтардым...», Айболат Бекеннің «Менің досым», «Еңбек етсең...»,
Ришат Шариповтың «Қасиет», «Өтірікші» атты өлеңдері «Оқушылардың хәкім Абайға арнаған өлеңдері» тақырыбымен еліміздегі беделді порталдардың бірі «Әдебиет порталына» жарияланды.
Өлеңдері «Әдебиет порталында» жарияланған өрендер Бәйтерек ауданының орталығындағы Қ.Аманжолов атындағы орта мектептің 8-сынып оқушылары.
zhaikpress.kz
