Бәйтерек аудандық орталықтандырылған кітапханалар жүйесі қазақтың көрнекті ақыны қоғам қайраткері, халық жазушысы Ж.Молдағалиевтың 100 жылдық мерейтойына арналған «Жұбан деп жырлайды жүрегіміз» атты аудандық, отбасылық «Жұбан оқулары» байқауын қорытындылады.
Лайв байқауға Зеленый, Новенький, Белес, Переметный, Рубежка, Чувашка ауылдарынан отбасылар қатысты. Шара басында Бәйтерек ауданының ОКЖ басшысы Жеңісгүл Жанабаева сөз сөйлеп, сайыс қатысушыларына сәттілік тіледі. Байқау барысында «Халқынан шапағатын аямаған, Жұбағаң қайсар қазақ, аяулы адам» атты кітап көрмесі көпшілікке ұсынылды.
Үш кезеңнен тұрған сайыста Чувашка ауылынан қатысқан Қуаншалиевтер отбасы бас жүлде иегері атанса, І орын зеленыйлық Айсағалиевтерге, ІІ орын переметныйлық Сақтай және Дариян ауылы атынан қатысқан Шаймардановтар отбасыларына бұйырды. Ән мен жыр шырқалып, рухты өлең оқылған сайыстың үшінші орын жүлдесі Новенький ауылынан қатысқан Анаисовтар, рубежкалық Есетовтер және Өркен ауылы атынан қатысқан Тұржановтар отбасыларына бұйырды.
Жүлделі отбасылар мен барлық қатысушылар Бәйтерек аудандық ОКЖ басшысы атынан алғысхаттармен марапатталды.
Ақгүл Абдрахманова,
Бəйтерек ауданы ОКЖ-нің
əдістемелік бөлім меңгерушісі
