Бәйтерек аудандық жастармен жұмыс жөніндегі ресурстық орталық мамандары Янайкин, Көшім, Щапов, Махамбет, Макаров, Краснов ауылдық округтерінде болып, жастарға мемлекеттік бағдарламалар және басқа да мәселелер төңірегінде түсіндірме жұмыстарын жүргізді.
Ауылдарға барған ресурстық орталық басшысы Алма Төлепқалиева және кеңесші мамандардан аталған округ жастары негізінен нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған мемлекеттік бағдарламасы туралы сұрап білді.
Сонымен қатар жастарды еңбек ұжымдарының тыныс-тіршілігімен таныстырып, оларды еңбекке баулып, ынтасын арттыру мәселесі де кездесулер барысында кеңінен қозғалды.
Сондай-ақ мамандар «JastargaBilim», «JastargaQyzmet», «JastargaKenes», «JastargaJymys» жобаларының жайы да түсіндіріліп, басқа да өзекті мәселелер талқыланды. Сонымен қатар қоғамдық қауіпсіздікке үн қосуға шақырды.
Алдағы уақытта мұндай кездесулер ауданның барлық ауылдық округтерінде өтеді.
Аружан Аманжол,
Бәйтерек ауданы
zhaikpress.kz
