Оралдың «Ақжайық» футбол клубы премьер-лигаға қайтып оралды. «Ақжайық» футбол клубының директоры Азамат Шайхының мәлім еткеніндей, Қазақстан футбол федерациясы атқару комитетінің шешімімен биыл премьер-лигада 14 команда ойнайтын болғандықтан, сол сапқа оралдықтар да қосылды.
«Біз өткен маусымда бірінші лигада өз тобымызда «Атыраудан» кейін екінші орынға ие болдық. Осы спорттық нәтиже бойынша премьер-лигаға оралып отырмыз. Командаға бас бапкер болып украиналық маман, 2018 жылы «Ақжайықты» жаттықтырған Владимир Мазяр тағайындалды. Жаңадан ойыншылар алынады. Қосалқы құрама да жасақталады. Қазір команда Оралда жаттығуда. Рұқсат берілсе, Түркияға оқу-жаттығу жиынына баратын боламыз», - деді Азамат Шайхы.
zhaikpress.kz
