Мемлекет басшысының тапсырмасына сай тұрғындармен кері байланыс орнату мақсатында өткен жылы Қаратөбе ауданы әкімдігінің ғимаратында жасақталған «Ашық әкімдік» алаңы мемлекеттік қызметтердің ашық әрі жүйелі түрде көрсетілуін қамтамасыз етіп келеді.
- «Ашық әкімдік» алаңы шеңберінде отыздан астам мемлекеттік қызмет түрі бойынша қызмет көрсетіледі. Арнайы бөлме де дайындалды. Ол жерде азаматтарды толғандырған сұрақтары бойынша кез келген уақытта қабылдауға болады. Қарапайым тілмен айтқанда, тұрғындар бұрынғыдай «есік қағып» жүрмей, бір жерден өздеріне қатысты мәселелерді шеше алады, - дейді аудан әкімі Жанат Асантаев.
«Қаратөбе өңірі»,
zhaikpress.kz
