1 наурыз – Алғыс айту күні мерекесіне орай Қаратөбе аудандық мәдени-демалыс орталығының қызметкерлері аудандық орталық ауруханаға барып, медицина қызметкерлеріне алғыс айтты.
Айтулы мерекеге орай ақ халатты абзал жандарды құттықтаған аудандық мәдениет үйінің директоры Нұрлыбек Айтқалиев адам жанының арашашысы болып жүрген денсаулық сақтау саласының қызметкерлерін Алғыс айту күнімен құттықтап, әлемді шарпыған пандемия кезінде де халық саулығы үшін уақытпен санаспай қызмет еткен сала қызметкерлеріне ризашылығын жеткізді.
Мерекелік шара барысында мәдениет үйінің әншілері ақ халатты абзал жандарға арнап әннен шашу шашып, сыйлық табыстады.
Кеш соңында аудандық ортылық аурухана басшысы Венера Елеусінова құттықтап келген мәдениет қызметкерлеріне алғысын білдірді.
Серікбай Хасанов,
Қаратөбе ауданы
zhaikpress.kz
