4 наурыз күні Батыс Қазақстан облысында республикалық «Көктем-2021» командалық-штабтық оқу-жаттығу басталды. Оның негізгі мақсаты – көктемгі кезеңде төтенше жағдайларды жоюға азаматтық қорғау мемлекеттік жүйесі және халықтың дайындық деңгейін арттыру.
Оқу-жаттығу күнінің бірінші жартысында оқу-жаттығу басшысының орынбасары, БҚО ТЖД бастығы, генерал-майор Ж.Жұмашев жергілікті атқарушы органдардың басшыларымен, сондай-ақ азаматтық қорғау қызметтері мен құралымдардың, тіршілікті қамтамасыз ету объектілерінің өкілдерімен бірлесіп, оқу-жаттығудың негізгі мақсаттары мен оларды орындау тәсілдерін талқылап, нақтылады.
Оқу сигналы түскеннен кейін жедел топ Бәйтерек ауданы Мичурин кентінің шартты төтенше жағдай орнына шықты.
Оқу-жаттығу аймағында халықты эвакуациялау және мұзды кесу, сондай-ақ суды сору сияқты жедел топтың жұмыстары жүргізілді.
Жұмылдырылған топтың дербес жұмыс істеуі, сондай-ақ төтенше жағдайларды жою орнында зардап шеккен халықты қабылдау үшін далалық лагерь ұйымдастырылды. Оқу-жаттығу учаскелеріне барлығы 45 жеке құрам, 4 бірлік техника, 2 бірлік мұз кесу қондырғылары қатысты.
Бүгінгі таңда бірінші кезектегі міндеттерді орындау және авариялық-құтқару мен кезек күттірмейтін жұмыстарды жүргізу жоспарлануда.
2021 жылғы 5 наурыздағы жағдай бойынша төтенше жағдайды жою бойынша кіріспе сигналдар және оларды облыстың осы оқу аймағында шешу жолдары толтырылды.
