Қазіргі таңда еліміздегі карантин жағдайына байланысты Көрісу айт мейрамын Ғ.Құрманғалиев атындағы облыстық филармония ұжымы онлайн форматта қарсы алуды жөн көрді.
Қыстан аман-есен шығып, жаңа жылға аяқ басқан өнер өкілдері бір-бірін онлайн форматта құттықтап, жүрекжарды тілектерін арнады.
Алдымен филармония директоры Асхат Қажығалиев әріптестерін Көрісу айт күні мерекесімен құттықтап, шығармашылық ұжымның табыстарына тоқталды.
Сонымен қатар филармония директорының шығармашылық жөніндегі орынбасары Абдул Рахметов, «Назерке» халық би ансамблі ұжымы да әріптестеріне құттықтау жолдап, мерекелік көңіл күй сыйлады.
Айта кету керек, биыл филармония ұжымы 55 жылдық мерейтойын лайықты табыстармен қарсы алып отыр.
Ертай Бимұханов,
zhaikpress.kz
